Et fos do-fagaib Patruic an lebar darub ainm an soiscel a timna ag Colam Cilli an uair do-bí se ag dul dochum bais ocus adubairt se re Brigid Naomta do-bí a n-aimsir a bais aicce an lebar sin co coimed do Cholam Chilli. Acus dorinde Brigid sin amail adubairt Patruic ria ge do-bi aimser fada etir sin ocus Colam Cilli do genemain. Et ataid lebair eli ga mebrugad, nach mar-so dorinde Patruic risin lebor sin acht co tucc se fadera a adnocad leis fen isa tumba in ar cuired e, d´ecla go fuiged en-duine eli é co tect Colaim Cilli cuice ocus gorab aingel De fein tuc les e docum Colaim Cilli ocus fos do-faguib Patruic a inad fein a nErinn a timna ag Coluim Cilli an uiar sin a pongc a bais.